تسيييحة ب تسيييحة

دي لعبة من اختراعي لسة جديدة
معتقدش ان حد اتهبل و عملها قبلي

اللعبة زي منتوا شايفيين اسمها

تسيييحة ب تسيييحة

يعني كل عضو يمسك عضو تاني

و طبعا مش هيتوصي و يقول موقف محرج او مضحك عليه
وطبع من غير زعل
ونشوف بقي الاصحاب يظبطوا بعض تسييح بس يا جماعة يا ريت بحدود

و طبعا طبعا طبعا انا هكون اول واحدة بيتسيحلي مش عارفة الناس مستلماني ليه ؟؟؟ hmmmm

بس كدة ويالا نهيس شوية

لما يكون فى تسييح لازم أكون موجود

وأبدأ وأقول

فى واحدة أعرفها_مش مشتركة هنا فى المنتدى باسم أروما أوف روسس_المهم الواحدة دى تاهت فى الشارع اللى ساكنة فيه

نزلت من أوتوبيس الأكاديمية_مش الشروق عشان محدش يفهم غلط_قبل بيتها بشارع وتاهت

مسكينة

مكنش اتوبيس الاكاديمية كان اتوبيس نقل عام و كنت راجعة من العباسية ل بيتنا و نزلت قبل الميدان بتعنا بميدان علشان كنت هنام و حسيت اني اتأخرت و هنزل بعد الميدان بتاعنا و خير اللهم اجعله خيير لقييت محلات مكنتش في الشارع و حاجات غريبة بس ركبت تاكسي و روحت لما اكتشفت اني مش في الميدان و دة كان بعدها بروبع ساعة

جامدة يا بيرو good

هي دي المصايب قصدي الألعاب ولا بلاش

دة أحنا هنضحك ضوحك hahahaha

في واحد صاحبنا مشترك علي المنتدي بإسم أحمد حمدي وأسمه الحقيقي أهلاوي فور إيفر .. دة لسة مشترك جديد يعني :2$:

المهم كنا رايحين ماتش الأهلي والزمالك والأمن مرضيش يدخلنا بكانزات ولا بقزايز حاجة ساقعة وكان جايب كل قزايز المية اللي في بيتهم وبعد الفطار فضل معاه قزازتين مية كبار ومعرفش يعمل ايه وطبعاً ميقدرش يدخل بيهم :2$:

راح ياعيني سايبهم برة والحسرة تملأ وجهه angry

ربنا يستر علينا

مين صاحبك ده

تلاقيه كان دافع رهن على الأزايز ديه عشان كده كان زعلان

بس مش أحسن من اللى تعب طول الماتش عشان الازازة اللى سابها بره

ويقول عندى صداع وهو أساساً بطنه وجعته على الازازة دى وتمن التذكرة

هي اللعبة شكلها معمولة عشاننا أساساً

علي فكرة عشان تعرفوا إنه بيشتغلكم أنا مجبتش من بيتنا غير قزازة واحدة شربت نصها وإديتها لواحد صاحبي

وصاحبنا إللي بقولكوا عليه دة ساب قزازتين برة مين بقي اللي كان هيموت bleeh

طب ما انت بطنك وجعتك على نص الازازة اللى انت سبته

وبعدين انت نسيت كنت بتعمل ايه فى التذكرة قاعد كل شوية يصور فيها

ويقولى صورنى معاها ده انا دافع فيها تحويشة عمرى

فيها ايه لو كنت قعدت فى بيتنا أهو كنت هتفرج ببلاش

ولما اتقطعت على باب الاستاد كان خلاص هيعيط وتقريباً ده برضه سبب من أسباب الصداع اللى جاله

يابني دة أنت أول مرة تدخل استاد القاهرة بلاش تكلم

طب أنا مصور كل تذاكر الماتشات اللي روحتها للأهلي ومحتفظ بيهم عشان تبقي ذكري

أنت بقي متصور وقولتلي صورني وصورت التذكرة لهدف أنك توريهم لصحابك وتقولهم شوفوا أنا دخلت أستاد القاهرة أهو hahahaha

صح هما صدقوا أنك روحت ولا لأ ؟ bleeh

ده اللى هو أنا برضه

أنا اللى كل شوية كنت بتصل بصحابى وأقولهم انا فى الماتش

بس خلينا ساكتين

بذمتك أنا أتصلت بحد

أنا مش وريتك عدد الميسدات اللي مسمعتهاش قبل الماتش ساعة التشجيع ؟؟

بس مقولتش صحابك صدقوا ولا لا؟

هنكتفي بهذا القدر من التسييح لحد مانشوف حد تاني

ههههههههههههههههههههههه
دة انتوا فضحتوا بعد
بس انا معرفش حد منك معرفة شخصية اوي
عشان اسيحله
بس اعرف ان في واحد هنا اسمه احمد حمدي بردوا
دايما بيخش اي منتدي دايما ينزل مواضيع كابتشينو اووووووووووووووي ومش راضي يتعلم بردوا
مصصم ينزل مواضيع قديمة writing

mohamed elhalby كتب:: ههههههههههههههههههههههه
دة انتوا فضحتوا بعد
بس انا معرفش حد منك معرفة شخصية اوي
عشان اسيحله
بس اعرف ان في واحد هنا اسمه احمد حمدي بردوا
دايما بيخش اي منتدي دايما ينزل مواضيع كابتشينو اووووووووووووووي ومش راضي يتعلم بردوا
مصصم ينزل مواضيع قديمة

انت طبعاً قصدك العضو محمد حسن الشهير بموودى
هو انت يابنى مش بتشوف مواضيعك ولا ايه
وأخرها جريمة القتل اللى من عصر بناة الأهرامات دى

اية دة هو الموضوع دة طلع كابتشينو
انا كنت اعرف انك هتقول كدة
مش عارف يااخي الحقد بقي معشش في قلوب الناس
angry

حقد ايه اللى انت جاى تقول عليه
شوف مواضيعك كويس_بس ماتنساش تلبس نضارة_وانت هتاخد بالك انها كابتشينو

احم احم

ماليش في اللعبة دي......هي ناقصة فضايح

خليكوا انتوا مع بعض وانا قاعد بتفرج اهو