هدفن في السطور جرحي....وهرسم حلمي وحدي
************************************************** ***************
سامحيني لأني اخترتك ....وبكلامي معاكي حيرتك
ماكنتش عايزك تضيعي مني....وتكوني ليا طول سنيني
مش حب تملك ولا انانية.....بس كنت فاكر انك ليا.
ودلوقتي بس عرفت اني عايش اوهام في عين نظرتها مش ليا
بس ايه ذنبي اكون عايش في الاوهام !!!
وليه قلبي بيتحاسب على قدره؟؟!!!
وليه دايما مجروح وبيدفن في السكوت حبه.
صعب عليا اني اقول كل حاجة بحسها
مش معقول هقولك مشاعري دي كلها
صعب عليا اني اقول .....صعبان عليا اللي انا فيه.
وهقول تاني......وأعيد تاني
أنا مقدرش ياقلبي علشان ارضيك أموت تاني
هداري عيوني في الزرعة اللي من اوجاعي مروية
ومش هتحدى نفسي وارجع أكمل
ده طريق طويل ماليش فيه دية.....ماليش دية
لاهقدر أكون اناني واملك حاجة مش ليا
وللا حتى هستنى ...اصل بجد نفسي صعبانة عليا
وأكــيد أنتي مش ليا..أصلك بجد كتير عليا
أه ...من حقي اعيش ..بس على أد اللي انا شايفه بعنيا
بس مش ممكن أكون جرح في قلوب تانية..ويوم ماأوصل انا تموت هيا!!!!!!
لو حتى هيبقى الحلم جوه قلبي مستخبي...هفضل أبكي لوحدي ومحدش حاسس بيا
يادنيا لو تسامحيني...وان قسمتي أوجاعك لمرة واحدة بس تنسيني
وقولي للقلوب اني خلاص هبعد وأتوب وبقدري انا خلاص هرضى
وقوليلهم يسيبوني في حالي ....أنا خلاص مش هحلم تاني .
لو اضمن انهم في حالي يسيبوني لو مت..كنت انتحرت...بس ازاي هبقى يوم العرض
خلاص انا فهمت اللعبة وهكون أدها ماانا ياما كتير جربت غدرها
وهدفن في السطور جرحي....وهرسم حلمي وحدي
بقلم :::محمد علاء سالم
كتبت بتاريخ 20\7\2008