حبس ابراهيم عيسى شهرين فى قضية نشره اخبار كاذبة عن صحة الرئيس

وكان قد سبق لمحكمة اول درجة ان قضت بمعاقبة ابراهيم عيسى بالسجن ستة اشهر مع الشغل وكفالة 200 جنيه لايقاف التنفيذ الا ان نيابة امن الدولة العليا وابراهيم عيسى قاما باستئناف الحكم.

تقرير حول الحكم بحبس الصحفي ابراهيم عيسى .. شاهد

وكانت نيابة أمن الدولة العليا قد أحالت إبراهيم عيسى للمحاكمة بتهمة إذاعة ونشر أخبار وبيانات وشائعات كاذبة عن صحة الرئيس مبارك، على نحو أضر بالاقتصاد القومى، حيث أوضحت النيابة أن إبراهيم عيسى نشر هذه الشائعات، رغم يقينه بكذبها وعدم صحتها.

وأكدت النيابة إن ما نشر أضر الاقتصاد المصرى بصورة تمثلت فى سحب إستثمارات أجنبية من البلاد بلغت قيمتها أكثر من 350 مليون دولار، خلال يومى نشر تلك الشائعات، إلى جانب ما أفادت به الهيئة العامة لسوق المال من أنه تم رصد إنخفاض مؤثر فى البورصة المصرية بصورة غير عادية فى ضوء ما نشر من شائعات مرض الرئيس تسببت فى تدافع المستثمرين لبيع وتسييل محافظهم الاستثمارية تجنبا لحدوث مخاطر فى أموالهم.

ومن جانبه ، طالب الدفاع عن ابراهيم عيسى ببراءته وإلغاء الحكم الصادر ضده ، مؤكدا عدم وجود سوء قصد فيما نشره، نافيا عنه أضراره بالاقتصاد القومى.

تعليق الصحفي ابراهيم عيسى على الحكم بحبسه شهرين ..شاهد

وكان عدد من المحامين من الحزب الوطنى الديمقراطى قد أقاموا جنحا مباشرة ضد ابراهيم عيسى مطالبين فيها بحبسه لنشره هذه الشائعات، إلا أن المحكمة قضت برفضها فى شقيها المدنى والجنائى.

المصدر: وكالة أنباء الشرق الاوسط

ThE_dArk_lOrd كتب:

احسن
هو ده جزاة امثاله

ممكن تقولى أمثال اللى مش عاجبك ده عملوا ايه عشان يتسجنوا؟؟؟؟
كلمة الحق فى البلد دى بقت جريمة؟؟؟
فين الدمقراطية اللى واجعين راسنا بيها؟؟؟
فين حرية الرأى؟؟؟
ولا حرية الرأى انى أقول انى بحب الريس وبموت فى التراب اللى بيمشى عليه لكن لو قلت عكس كده ننسى حرية الرأى ونرميها فى أقرب صندوق زبالة؟؟؟
وبعدين ده ما شتمش ولا انتقد
ده كل اللى قاله ان فى اشاعة بتقول ان الرئيس تعبان!!!!!!!!!!!!!
فين الجريمة فى كده؟؟؟؟؟؟؟؟؟

ThE_dArk_lOrd كتب:

لما ينشر اخبار عن كاذبة عن صحة البريس
وتاثر علي البورصة
يبقي يستحق اللي بيحصله
وبعدين
حرية الراي موجودة واظن اننا اتكلمنا في الموضوع ده كتير

بورصة ايه اللى اتأثرت
دول استدعوا مسئولين من البورصة مش متذكر للأسف مناصبهم وشهدوا فى المحاكمة ان انخفاض البورصة كان طبيعى ومالوش دعوة باللى اتنشر
تقولى اتأثرت
وبعدين هو قال ان فى اشاعة انتشرت ماقالش ان الريس مات فعلاً
وبعدين بعد كل أحكام السجن دى على الصحفيين والمدونين وتقولى حرية رأى
ولا حرية الرأى مكفولة لبتوع طشة الملوخية وتعمير الطاسة وبس

ThE_dArk_lOrd كتب:

مش حقولك غير حاجة واحدة قولتهالك قبل كده

اقرا الدستور ... ولو مكنش في حرية راي كان الجرنان ده واللي زيه اتقفلوا
وبعدين ايه رايك في باب ضربة الشمس اللي في الدستور بتاع خالد كساب
والتهييس اللي فيه والكلام اللي فيه

أنا أقولك حاجة أنا كمان
لو فى حرية رأى ماكنش اتحكم على ابراهيم عيسى ولا الابراشى ولا قنديل ولا عادل حمودة ولا الهوارى
دول رؤساء التحرير ده غير الصحفيين والمدونين
ولا انت ايه رأيك؟؟؟

مالها صفحة ضربة شمس؟؟؟؟
ايه وجه اعتراضك عليها؟؟؟؟