كرسى الاعتراف ومعانا أول ضحية مشرفة القسم الأدبي aroma of roses

طبعاً كلكم عارفين لعبة كرسى الاعتراف

احنا بنختار عضو الوالدة _اللى هيا أمه يعنى_داعية عليه

ونغسله هنا قصدى نسأله هنا

كل عضو ينزله قايمة طويلة عريضة من الأسئلة وهو ياخد راحته فى الاجابة

وهنبدأ ونخلى محمد حسن يختار أول ضحية

يا ترى بقى مين أول عضو الوالدة_احنا قلنا انها أمه_داعية عليه؟؟؟

طبعاً الضحية الأولي لازم تكون من مهندسي المنتدي ..

aroma of roses

مفأجاة بقي يا أحمد .. ودة هيبقي أحسن ترحيب ليها في المنتدي

نبتدي بأول عينة من الأسئلة .. حاجات تافهة يعني

ايه هي مواصفات اختيارك للأصدقاء ؟

ايه هي مواصفات شريك حياتك المستقبلي ؟

ايه رأيك في المنتدي ؟ وإيه اللي ناقصة؟

ايه رايك في الللي بيحصل في غزة ؟

ايه رايك في الرسومات الدنماركية ؟

يا تري لو اتعملت انتخابات لرئيس الجمهورية في مصر تختاري مين وترشحي مين بكل صراحه وشفافية ؟

ايه رايك في الشباب اليومين دول ؟

ايه رأيك في البنات اليومين دول ؟

علاقة الولد بالبنت وليكن في حدود الصداقة ، بتشوفيها ازااي ؟

يا تري بتسمعي اغاني وبتحبي تسمعي لمين ؟

متابعة القنوات الأسلامية علي الفضائيات ولا لا ولو متابعة ايه اهم الببرامج اللي مبتقدريش تفوتيها؟

ايه رايك في الأخوان المسلمين و حركة كفاية وحزب الغد وحزب الوفد والحزب الوطني ؟

ايه رأيك في لبس البنات في الجامعة ؟

مشكلة غلاء الأسعار يا تري شايفة الشباب اللي حواليكي حاسين بيها ؟

مشرفنى دايماً يا محمد
جاوبى بقى
دى أول عينة
ولسه

Mido كتب:: نبتدي بأول عينة من الأسئلة .. حاجات تافهة يعني

ايه هي مواصفات اختيارك للأصدقاء ؟

ملييش مواصفات معينة النس بقع فيهم او هما اللي بيقعوا فيا بس لازم يكونوا مجنييين زييي ولازم طبعا يكونوا شبهي و يكونوا طييبيين علشان مش بعرف اتعامل مع الناس الخبيثة والحمد لله

ايه هي مواصفات شريك حياتك المستقبلي ؟

بعيدا عن العادي اللي هوا متدين و بيتقي ربنا و ابن ناس لازم يكون دموا خفيف و يفهمني و يحتوي دماغي ويكون ذكي علشان انا بحترم جدا الراجل الذكي وبحترم النجاح وطبعا لازم يبقي مجنون و مهيس

ايه رأيك في المنتدي ؟ وإيه اللي ناقصة؟

لسه مشفتش كل حاجة في المنتدي بس مبدئيا شكله لذيذ و الالوان دي اجمد من اللي فاتت واللي ناقصة اعتقد اني اول مهعرف هقولك :lol:

ايه رايك في الللي بيحصل في غزة ؟

قلت ادب و الفلسطينييين مينفعش يتقسموا كدة و اسرائييل بتستهبل و بتستغل الموقف بس دة ذكاع منهم انا بعارض اننا نتعامل معاهم في التجارة و كدة بس معنديش مانع اننا ندرس الحاجات الجامدة اللي بيعملوها

ايه رايك في الرسومات الدنماركية ؟

احنا غلطانيين علشان احنا اللي بنيدي الانطباعات السيئة دي برة و انا شايفة ان حرية الصحافة مينفعش تبقي فيها تعديات و قلة ادب يعني لازم الكبار في البلد تدافع عن مقدساتها و عن احترامها علشان احترامنا من احترام مقدساتنا

يا تري لو اتعملت انتخابات لرئيس الجمهورية في مصر تختاري مين وترشحي مين بكل صراحه وشفافية ؟

انا هختار واحد عندوا ضمير و مثقف و بيخاف من ربنا و لازم يبقي ليه اعتباره بين الدول التانيه مش كل من هب و دب يهزع فيه و في الشعب بتاعه ولازم يبقي حاسس بكل واحد غلبان و يبقي عارف يبقي شديد علي الكبير قبل الصغير علشان هوه مش مال سايب اللي رايح واللي جاي يسرق منه

ايه رايك في الشباب اليومين دول ؟

نوعين محترم و ابن ناس و عارف كل حاجة بس محترم بمزاجة
و صايع و ضايع و دماغة مهويه و مفيش في دماغهم غير البنات و الحشيش
وفيه قله قليلة اللي هي منطوية و بتاعت مذاكرة و بس و اغلبهم عندهم مشاكل مع كل حاجة

ايه رأيك في البنات اليومين دول ؟

محترمين بس مودرن ودة بيضيع بعض الاحترام
ومودرن وهيفيين ودول ملهومش لازمة
وفي متدينيين قوي و دول بيبقوا كويسين قوي بس ممكن ميقدروش يفهموا كل حاجة بتحصل
و الوسطيه في كل حاجة بتبقي احسن حاجة

علاقة الولد بالبنت وليكن في حدود الصداقة ، بتشوفيها ازااي ؟

علي حسب لو صداقة في حدود الزمالة و ميمنعش حبت تهيس و تهريج بس كله في حدود و مش مع اي حد انا عن نفسي بتعامل كدة بس صحاب و تهريج بالايد و تطاولات مينفعش و لازم الاهل يبقوا عرفين كل حاجة عن اولادهم ولازم يبقي فيه احترام متبادل بس الاهالي دايما بيشوفوا لو في بنت ممكن بقي مكان الولد يبقي بلاش الولد و انا شايفة ان عندهم حق علشان دايما الحورات دي بتعمل مشاكل و الدين بيقول كدة

يا تري بتسمعي اغاني وبتحبي تسمعي لمين ؟

بسمع اغاني طبعا بس مش اللي هوه من غيرها هموت
بسمع طبعا طبعا للكنج منييييييير و ممكن وسط البلد و و اغاني بقي لعمرو علي اليسا علي اللي يستاهل يتسمع
وطبعا english romance songs & stanid & coldplay & ronan keating & and some trances

متابعة القنوات الأسلامية علي الفضائيات ولا لا ولو متابعة ايه اهم الببرامج اللي مبتقدريش تفوتيها؟

عموما مبتفرجش علي التلفزيون قوي مش بيستهويني بس لما ببقي قاعدة و تجي حاجة جامدة بشوفها و الحاجات اللي بتصدفني كتتتتر عم يتسألون و ممكن قناة مشاري راشد بحب التلاوة اللي فيها اوي

ايه رايك في الأخوان المسلمين و حركة كفاية وحزب الغد وحزب الوفد والحزب الوطني ؟

الأخوان ::::: المؤسسين كانوا كويسيين و الفكر كان تمام و دلوقتي بقي زيهم زي غرهم بيدوروا علي الكرسي و المنصب و الفلوس و الدنيا و الله اعلم علشان مظلمش حد
كفاية ::::: اي كلام و اللي بيعملوه دة تخلف اساسا ملناش اننا نعمل ثورة ضد الحاكم إلا لو اعلن كفرة دة اللي في الاسلام يعني
حزب الغد ::: ولا اعرف عنه حاجة
الوفد :::: كان كويس بس بقي زي الاخوان منصب و كرسي و فلوس و عبط و تأخر فكري
الوطني :: محاولة للتغطية علي الفضايح بتاعت الحكومة بس ساعات بيعملوا حاجات كويسه

ايه رأيك في لبس البنات في الجامعة ؟

استهبال و عقد نقص و اهالي مش دريانة و في ناس محترمين بالفطرة

مشكلة غلاء الأسعار يا تري شايفة الشباب اللي حواليكي حاسين بيها ؟

المستوي المتوسط والفوق متوسط من الشباب ولا دريانة علشان الاهالي هما اللي طلعان عينهم علشان بيجلهم كل حاجة علي الجاهز و الللي حاسس بيها اللي خرجوا و ابتدوا يشتغلوا و عيزيين يبقوا حاجة و يعملوا حاجة

aroma of roses
قدها و قدووووود ادوني ولا يهزني
و طبعا محدش هيقدر عليا
:lol: :lol: :lol:

ربنا ما يحكم على حد باللى هيحصلك

1- هتعملي ايه لو حد عاكسك وانتي ماشية في الشارع ؟ طب افرضي اللي كان بيعاكسك ده طفل صغير

2-تعرفي تستبي ويندوز للكومبيوتر ولا خيبة وفاضحانا؟؟؟

3-دعيتي على حد قبل كده ؟؟ لو دعيتي قولتي ايه ؟؟

4-بتقعدي كام ساعة قدام الكومبيوتر في الدراسة والاجازة؟؟

5-عملتي ايه مفيد في الاجازة دي ؟؟

6-نفسك في يوم من الايام تعملي ترتيب على دفعتك ؟؟

7-بتخرجي كام مرة في الاسبوع في ايام الدراسة ؟؟؟ وفي الاجازة؟؟

8-بتحبي تسمعي للمغنيين القدام ؟؟؟ مين منهم بالظبط ؟؟

9-ايه رأيك في حسني مبارك؟؟

10-ايه الحرية في وجهة نظرك؟؟

11-المال بيمثل ليكي ايه ؟؟

12-تعتقدي ان الحب ممكن يشقلب حياتك في يوم من الايام ؟؟

13-انا لو قولتلك ابعت ليا رصيد 5 جنيه هتعملي ايه ؟؟؟ ده على اساس ان ممكن في يوم من الايام رصيدك يعلى على رصيدي ؟؟

14-مين القدوة الاعلى ليكي؟؟

15-امتا بتحسي انك عايزة تخلصي من الدنيا؟؟

16-عمرك اتغريتي في نفسك ؟؟ اشرحي الموقف بالتفصيل

17-عارف ان حياتك كلها بتقضيها في الوحدة ....امتا بقا بتحبي تختلطي بالناس ؟؟

18-امتا بتكوني انانية ؟؟

19-اشرحي يومك بيكون ماشي ازاي

20-يا ترى شايفة مستقبلك اخباره ايه ؟؟ متوقعاه عامل ازاي ؟؟

21-قريت في اجابة سابقة انك ناجحة في حياتك .... ايه هو سر نجاحك ؟؟

22-مين اللي ادالك درس في حياتك عمرك ما هتنسيه ؟؟ مع التوضيح والشرح ... عايزك كده تسيحي لنفسك

23-يا ترى اديتي لحد درس في حياته قبل كده ؟؟ اظن لأ

24-تعملي ايه لو قابلتي يهودي في الشارع ؟؟

25-لو جمال مبارك رشح نفسه للرئاسة هتأيديه ولا لأ؟؟

26-البنات نص المجتمع ولا بلاء ولازم صبر عليكم ؟؟ ههههههههه

27-حماتك باذن الله ... ايه تخيلك او تصورك المبدئي عنها ؟؟

28-يا ترى ناوية تأجلي الانجاب لفترة بعد الجواز ولا مشاعر الامومة متاججه عندك وبتحلمي يكون عندك طفل يقولك يا ماما في اقرب وقت ؟؟

29-بعد ما ربنا يوفقك كده وتتجوزي ؟؟؟ لو اتنرفزتي على جوزك وقولتيله ( طلقني ) ... تتخيلي رد فعله هيكون ايه ؟؟

30-تخافي انك متعرفيش تربي ولادك ويطلعوا غير اسوياء ؟؟

31-يا ترى تتوقعي ايه المشاكل اللي في شخصيتك اللي ممكن تتعبك في تربية اولادك في المستقبل؟؟

32-ايه الصفات اللي محتاجاها في شريك حياتك عشان يساعدك في تربية الاطفال تربية صحيحة ؟؟

33-يا ترى شايفة نفسك عنيدة ليه ؟؟؟

34-ايه رأيك في الشباب دلوقتي ؟؟؟ وايه اللي مش عاجبك فيهم ؟؟

35-عندك كام ايميل ؟؟؟ وضايفة كام ايميل على كل واحد ؟؟

36-بتعيشي يمك ازاي في الدراسة ؟؟

37-بتحبي تروحي الكلية ولا لأ؟؟

38-نفسك تعملي ايه دلوقتي ؟؟

39-مين اكتر حد عمل فيكي مقالب ؟؟

40-يا ترى بتعملي مقالب في صاحباتك ولا غلبانة ؟؟

41-لو واحد رخم اوي عاكسك وفضل مستنيكي في الرايحة والجاية ؟؟ هتعملي ايه ؟؟

42-ايه اكتر حاجة تتمنيها تحصل؟؟

43-وايه اكتر حاجة تتمنيها متحصلش ؟؟

44-اظن ناس كتير حكت على احلامها قدامك .... ايه اغرب حلم سمعتيه ؟؟

45-ايه هي اكتر حاجة لما بتشوفيها بتخافي ؟؟

46-وايه اكتر حاجة لما بتسمعي سيرتها بتترعبي ؟؟؟ غير العفاريت
ههههههههههههههههههههههههههههه

47-ايه هي مشكلتك الحقيقية اللي مش لاقية لها حل ؟؟

48-ايه هي علاقتك مع باباكي ومامتك ؟؟؟ يا ترى راضيين عنك ولا لأ

49-ايه رأيك في اللي بيعمله الاهلي في الزمالك ؟؟؟ ويا ترى انتي اهلاوية ولا زملكاوية ؟؟

50-يا ترى انتي راضية عن نفسك ؟؟

دول كانوا خمسين سؤال مقدما لحد ما اجمع الباقي

انتظريني

وربنا يخلى السادات لينا عشان دايماً مظبطنا

supervisor عدد الرسائل : 24 تاريخ التسجيل : 25/09/2008

ههههههههههههههههههههههه

واجدع سلااام لاجدع بنووته شفتها في الاكاديميه كلها وربنااا

ازيك يا بيرووو؟؟؟

عامله ايه وحشااااااااااااااااني اوووووووووووووووووووووووووووووووووي

الاول يا هانم غيري اللون الي انتي كاتبه بيه دا لاني مش عارفه اقرا حااجه خاااالص

وانظريني بعد الفاااصل

والاسئله العملااااااااااااااااااقه

نورتينااااااااااااااا يا بت والله

ahlawy4ever6_1 كتب:: ربنا ما يحكم على حد باللى هيحصلك

1- هتعملي ايه لو حد عاكسك وانتي ماشية في الشارع ؟ طب افرضي اللي كان بيعاكسك ده طفل صغير

[size=24]علي حسب لو هوه بيهيس بس مش بيقل ادبه هنفضله و لو قل ادبه هبصله من فوق لتحت و لو معندوووش دم ههزؤه
لو عيل صغير اللي بيعكسني ::: هقله يالا يابني روح بيتكوووووا

2-تعرفي تستبي ويندوز للكومبيوتر ولا خيبة وفاضحانا؟؟؟

انا و الحمد لله بستب ويندوز كل اسبوعين تقريبا علشان عندي باد سكتورز علي الهارد

3-دعيتي على حد قبل كده ؟؟ لو دعيتي قولتي ايه ؟؟

مدعتش علي حد بعينه ايام الانتفاضة كنت بدعي علي الظلمة عموما

4-بتقعدي كام ساعة قدام الكومبيوتر في الدراسة والاجازة؟؟

كل مببقي فاضية و الكمبيوتر فاضي تلقيني قاعدة عليه

5-عملتي ايه مفيد في الاجازة دي ؟؟

اخدت كورس mat lap & or cad
نزلت تديب في شركة

6-نفسك في يوم من الايام تعملي ترتيب على دفعتك ؟؟

اكيييد بس مش هدف اساسي

7-بتخرجي كام مرة في الاسبوع في ايام الدراسة ؟؟؟ وفي الاجازة؟؟

الدراسة يوم او 2 في الاسبوع
الاجازة من 4 ل 5 ايام بس لما اخرج مع ناس جامدة غير كدة مفيش احلي من البيت

8-بتحبي تسمعي للمغنيين القدام ؟؟؟ مين منهم بالظبط ؟؟

بحب عبد الحليم بس مش دايما و بحب فيروز طبعا علي كام اغنية لأم كلثوم بس عموما مليش في القديم

9-ايه رأيك في حسني مبارك؟؟

يا اما بيستغفلوه يا اما هوه عارف اللي بيحصل و ساكت و في الحالتين دي غباوه

10-ايه الحرية في وجهة نظرك؟؟

انك تقول اللي انت عايزة و تعمل اللي انت عايزه من غير تعدي علي المثل و الاخلاق ولا تعدي علي الاخرين

11-المال بيمثل ليكي ايه ؟؟

مجرد حاجة بتسعدني علشان اوصل للحاجة اللي عايزاها

12-تعتقدي ان الحب ممكن يشقلب حياتك في يوم من الايام ؟؟

انا ناوية ان شاء الله الحب يرتبلي حياتي و يظبطلي كل حاجة علشان ناوياه صح و من غير ميبقي فيه حاجة حرام

13-انا لو قولتلك ابعت ليا رصيد 5 جنيه هتعملي ايه ؟؟؟ ده على اساس ان ممكن في يوم من الايام رصيدك يعلى على رصيدي ؟؟

اكيد لو معايا ميغلاش علييك

14-مين القدوة الاعلى ليكي؟؟

بابا

15-امتا بتحسي انك عايزة تخلصي من الدنيا؟؟

لما بحس اني هبقي اسوء لو فضلت فيها أكتر من كدة

16-عمرك اتغريتي في نفسك ؟؟ اشرحي الموقف بالتفصيل

دخلت interview بتاع دكتور ايهاب صلاح و سألني و اخدت 19 من 20 غباوة ايه بقي الي عايزة اتسئل تاني علشان اخد ال 20 و عليها طبعا هزءت نفسي علي الفاضي

17-عارف ان حياتك كلها بتقضيها في الوحدة ....امتا بقا بتحبي تختلطي بالناس ؟؟

دة اكيد مش انا علشان الناس اساسا هما حياتي

18-امتا بتكوني انانية ؟؟

لو حاجة هتضرني او لو اللي قدامي اناني اكتر مني فانانية بانانية

19-اشرحي يومك بيكون ماشي ازاي

بصحي من النوم اروح الجامعة اهيس في الاتوبيس طبعا و اكيد هبقي متأخرة عليه و بعدين اروح اهيس مع صحابي في الجامعة و بعديين اروح اهيس بردوا في الاتوبيس و بعدين اهرج مع اهلي في البيت و انام و اصحي اقعد علي الكمبيوتر و بعدين انام

20-يا ترى شايفة مستقبلك اخباره ايه ؟؟ متوقعاه عامل ازاي ؟؟

يا اما في العربية بتعتي المرسيدس و رايحة الشركة بتاعتي يا اما شالة العيال و رايحة النادي

21-قريت في اجابة سابقة انك ناجحة في حياتك .... ايه هو سر نجاحك ؟؟

معرفش قريتها فين بس كوني مش فاشلة و في ناس حواليا بيحبوني و اهلي راضييين عني دة ممكن يخلي اي حد ينجح

22-مين اللي ادالك درس في حياتك عمرك ما هتنسيه ؟؟ مع التوضيح والشرح ... عايزك كده تسيحي لنفسك

انا اللي بدي لنفسي الدرووس كلها و علشان اتصدمت مرة جامدة من صحابي بقيت اعلم نفسي كل حاجة

23-يا ترى اديتي لحد درس في حياته قبل كده ؟؟ اظن لأ

لأ

24-تعملي ايه لو قابلتي يهودي في الشارع ؟؟

انا مشكلتي مع الجيش اليهودي مش الشعب لو قابلت جندي يهودي ممكن اتغاشم عليه

25-لو جمال مبارك رشح نفسه للرئاسة هتأيديه ولا لأ؟؟

معتقدش بس هوه شكله كدة مش هيفرق عن ابوه كتتتر

26-البنات نص المجتمع ولا بلاء ولازم صبر عليكم ؟؟ ههههههههه

لو قدرت تعيش من غير ولا واحدة في حياتك من بعد والدتك يبقي وجودهم بالنسبة لييك بلاء

27-حماتك باذن الله ... ايه تخيلك او تصورك المبدئي عنها ؟؟

مهما كانت هحبها و هعاملها زي مبعامل امي

28-يا ترى ناوية تأجلي الانجاب لفترة بعد الجواز ولا مشاعر الامومة متاججه عندك وبتحلمي يكون عندك طفل يقولك يا ماما في اقرب وقت ؟؟

انا هموت و يكون عندي ابني بتاعي انا مش بتاع حد تاني بس الله اعلم ايه اللي هيحصل

29-بعد ما ربنا يوفقك كده وتتجوزي ؟؟؟ لو اتنرفزتي على جوزك وقولتيله ( طلقني ) ... تتخيلي رد فعله هيكون ايه ؟؟

هبقي قيلاله ان مهما حصل بنا متسمعش كلامي

30-تخافي انك متعرفيش تربي ولادك ويطلعوا غير اسوياء ؟؟

اوي بترعب من الفكرة اساسا

31-يا ترى تتوقعي ايه المشاكل اللي في شخصيتك اللي ممكن تتعبك في تربية اولادك في المستقبل؟؟

الغباوة سعات بستغبي اوي في اوقات متستحملش غباوة

32-ايه الصفات اللي محتاجاها في شريك حياتك عشان يساعدك في تربية الاطفال تربية صحيحة ؟؟

الذكاء علشان يعوض النقص و الطيبة والحزم

33-يا ترى شايفة نفسك عنيدة ليه ؟؟؟

علشان مش سهل حد يقنعني بحاجة و مش سهل اني امشي موضوع مضايقني علشان حد ميهمنييش

34-ايه رأيك في الشباب دلوقتي ؟؟؟ وايه اللي مش عاجبك فيهم ؟؟

بيعفروا بس مغيبييين و عايزين يبقوا حاجة بس اليأس بيجي اسرع من النجاح بس كتيير ملهمش فيها و مش اد المسئولية

35-عندك كام ايميل ؟؟؟ وضايفة كام ايميل على كل واحد ؟؟

عندي 3 و مش فاهمة باقي السؤال

36-بتعيشي يمك ازاي في الدراسة ؟؟

انظر السؤال 19 good

37-بتحبي تروحي الكلية ولا لأ؟؟

علشان صحابي

38-نفسك تعملي ايه دلوقتي ؟؟

ارقص slow مع حد معرفوش و مشوفوش تاني بعد كدة headphone

39-مين اكتر حد عمل فيكي مقالب ؟؟

واحد اسمه عمرو ابراهيم moorz كان معانا في الجامعة

40-يا ترى بتعملي مقالب في صاحباتك ولا غلبانة ؟؟

علي خفيف علشان محدش يزعل

41-لو واحد رخم اوي عاكسك وفضل مستنيكي في الرايحة والجاية ؟؟ هتعملي ايه ؟؟

لو في منطقتي هقرب من بتنا و ههزؤه بس من غير مغلط ولا غلطة

42-ايه اكتر حاجة تتمنيها تحصل؟؟

ان محدش يكرهني

43-وايه اكتر حاجة تتمنيها متحصلش ؟؟

اني اظلم حد

44-اظن ناس كتير حكت على احلامها قدامك .... ايه اغرب حلم سمعتيه ؟؟

حلم بتاع واحد ان اكبر حلم ليه انه يرتبط بيا ( ميعرفش مصلحته فين happy

)

45-ايه هي اكتر حاجة لما بتشوفيها بتخافي ؟؟

لما بشوف حد بيعيط علي حد عزيز عليه

46-وايه اكتر حاجة لما بتسمعي سيرتها بتترعبي ؟؟؟ غير العفاريت
ههههههههههههههههههههههههههههه

موووت طفل صغير

47-ايه هي مشكلتك الحقيقية اللي مش لاقية لها حل ؟؟

العزيمة في الضياع عندي

48-ايه هي علاقتك مع باباكي ومامتك ؟؟؟ يا ترى راضيين عنك ولا لأ

صداقة وحب و شقاوة و رخامة (انا اللي برخم ) و دلع أخر حاجة و الحمد لله مش بحب ازعلهم خالص

49-ايه رأيك في اللي بيعمله الاهلي في الزمالك ؟؟؟ ويا ترى انتي اهلاوية ولا زملكاوية ؟؟

شنيره يا معلم و طبعا أهلاوية هو السؤال دة لسة بيتسئل

50-يا ترى انتي راضية عن نفسك ؟؟

مش دايما

اولا ازيك يا عبير وايه اخبارك اسالتى هبله وعبيطه مش بحب ارخم

1- عرفينا بنفسك؟

2- ايه اكتر حاجه بتحبيها فى شخصيتك الناس مش بتحبها؟

3- ايه اكتر حاجه الناس بتحبها فيكى وانتى بتكرهيها؟

4-لو خيروكى بين صديق وفى جدا وحبيب بيموت فيكى تختارى مين قصدى بالصديق طبعا بنت يعنى؟

5- تعملى ايه لو اتجرحتى من اقرب الناس ليكى؟

6-لما بتزعلى بتحبى تعملى ايه او تروحى فين؟

7- ليكى كام واحده صحبتك؟

8- البحر بيمثل ايه ليكى ؟

9- بتشوفى الحياه فى اى اتجاه وايه لونها فى عنيكى؟

10- لو قالولك انك ممكن تروحى فلسطين تشاركى فى الانتفاضه وانك تختارى تروحى ولا لا هتروحى من غير تفكير ولا هتترددى؟

11- ايه اكتر حاجه نفسك تكون فى اصحابك ومش لاقياها فيهم؟

12- لو قالولك تقعدى فى جزيرة لوحدك ومفهاش حد غيرك بس ادوكى فرصه اختيار شخص واحد هتختارى مين؟

13- تحبى لما تتخرجى وربنا يكرمك وتتجوزى تشتغلى ولا تفضلى البيت؟

14- مين الشخص اللى ضاف لشخصيتك حاجه؟

15- ايه الحاجه اللى تخليكى هتموتى من الفرحه؟

16- لو قالولك ان النهايه قربت ايه اكتر حاجه هتعمليها؟

17- طبعا احنا لسه طالعين من شهر كريم عملتى فيه ايه وطلعتى منه راضيه عن نفسك ولا لا؟

18- ايه اللى نفسك تعمليه ومش قادرة؟

19- ايه اللى نفسك تفتحى عنيكى تلاقيه اتغير فى البلد؟

20- تقولى كلمه حب او شكر لمين وهتكون ايه؟

شكرا ليكى انك هتجاوبى واستحملتينى سلام ياقمر

1- عرفينا بنفسك؟ عبير عوني من مصر الجديدة اولي اتصالات في اكاديمية الشروق وبس كدة

2- ايه اكتر حاجه بتحبيها فى شخصيتك الناس مش بتحبها؟ ساعات التهييس الزيادة بتخلي الناس تتخنق مني

3- ايه اكتر حاجه الناس بتحبها فيكى وانتى بتكرهيها؟ الناس بتحب فيا اني اجتماعية و عارفة ناس كتير بس دة ساعات بيخنقني لأني ساعات ببقي عايزة اقعد لوحدي و في مكان زي الجامعة استحالة اعرف اقعد لوحدي

4-لو خيروكى بين صديق وفى جدا وحبيب بيموت فيكى تختارى مين قصدى بالصديق طبعا بنت يعنى؟ معرفش بس انا لو البنت دي اعرفها من زمان مش لسة عارفها اكيد البنت5- تعملى ايه لو اتجرحتى من اقرب الناس ليكى؟ هعمل عبيطة

6-لما بتزعلى بتحبى تعملى ايه او تروحى فين؟ بحب اقعد مع انتمتي و طبعا مكاني المفضل بيتها العزيز

7- ليكى كام واحده صحبتك؟ القريبين اللي مش بنخبي عن بعض حاجة 4 الحمد لله

8- البحر بيمثل ايه ليكى ؟ الوسع و الهيبة و الحياة

9- بتشوفى الحياه فى اى اتجاه وايه لونها فى عنيكى؟ انا الحمد لله شخصية متفائلة بس سعات بخاف اوي من بكرة

10- لو قالولك انك ممكن تروحى فلسطين تشاركى فى الانتفاضه وانك تختارى تروحى ولا لا هتروحى من غير تفكير ولا هتترددى؟ من سنة كنت هروح من غير تفكير دلوقتي ممكن اتردد علشان افكر في الناس اللي بتحبني

11- ايه اكتر حاجه نفسك تكون فى اصحابك ومش لاقياها فيهم؟ مفيش الحمد لله انا راضية بيهم كدة

12- لو قالولك تقعدى فى جزيرة لوحدك ومفهاش حد غيرك بس ادوكى فرصه اختيار شخص واحد هتختارى مين؟ مفيش حد في دماغي بس لازم يكون حد لذيذ و بيحبني

13- تحبى لما تتخرجى وربنا يكرمك وتتجوزى تشتغلى ولا تفضلى البيت؟ اشتغل بس لو معرفتش اوفق طبعا البيت اولي

14- مين الشخص اللى ضاف لشخصيتك حاجه؟ كل اللي بتعامل معاهم بيضيفولي اكتر حد بيضيف انتمتي و بابا

15- ايه الحاجه اللى تخليكى هتموتى من الفرحه؟ رضي والدي عني

16- لو قالولك ان النهايه قربت ايه اكتر حاجه هتعمليها؟ ممكن من كتر الحاجات اللي عايزة اعملها معملش حاجة خالص

17- طبعا احنا لسه طالعين من شهر كريم عملتى فيه ايه وطلعتى منه راضيه عن نفسك ولا لا؟ معملتش كتير و مش راضية عن نفسي

18- ايه اللى نفسك تعمليه ومش قادرة؟ احل مشكلة انتمتي

19- ايه اللى نفسك تفتحى عنيكى تلاقيه اتغير فى البلد؟ الضمير يصحي و العدل يبقي هوا اللي بيحكم

20- تقولى كلمه حب او شكر لمين وهتكون ايه؟ بابا : ربنا يخليك ليا علشان انا كل مبشوف اب اي حد بحمد ربنا ان دة بابا و انه طلعني كدة مطلعنيش حاجة تانية . . . ماما : اكبر دليل علي التضحية من غير مقابل و من غير تردد

ياااااااه يا عبير أنتي لسة هنا

أحنا نشوف ضحية جديدة بقي :1$: :1$:

طب استخبى انت شوية

ياريت يكون الضحيه الجديده اهلاووووووووووووووووووووووى

أهلاوى ده اللى هو أنا؟؟؟؟؟
ولا دى صفة؟؟؟
يعنى أى حد أهلاوى وخلاص

ايه يا محمد
انت مش ناوى تختار حد جديد ولا ايه؟؟؟؟؟؟

طب أنا عندى اقتراح
احنا نخلى الضحية القديمة تختار الضحية اللى تنزل بعدها وتنزلها أسئلة[b]